FeaturedSomali News

Boqorka Sacuudiga Salman Bin C/casiis oo Qaabilay Ra’iisal Wasaaraha Soomaaliya iyo Wafdigiisa (Sawirro)

Boqorka Sacuudiga Boqor Salmaan Bin C/casiis.ayaa xafiiskiisa Qasriga Yamaama ee magaalada Riyaad ku qaabilsan wafdiga uu hoggaaminayo Ra’iisal wasaaraha Soomaaliya Xasan Cali Kheyre oo booqasho rasmi ah ku jooga dalka Boqortooyada Sacuudiga.

Kulanka ayaa looga hadlay xoojinta xiriirka Soomaaliya iyo Sacuudiga iyo sidii loo sii xoojin lahaa, waxay kaloo labada dhinac ka hadleen xaaladda Soomaaliya iyo Geeska Afrika, sida ay shaacisay wakaalada Wararka dalka Sacuudiga.

“Waxa aan maanta Qasriga boqortooyada kulan kula qaatay boqorka dalka aan walaalaha nahay ee Sucuudiga Boqor Salmaan Bin Cabdul Casiis. Waxa aan ka wada hadalnay xoojinta xiriirka taariikhiga ah ee labada dal iyo iskaashiga dhinacyada amniga, dhaqaalaha iyo siyaasadda…” ayuu yiri Ra’iisal wasaare Kheyre.

Booqashada wafdiga Ra’iisal wasaaraha ee dalka Sacuudiga ayaa lagu wadaa inay maanta soo gabgabowdo, isagoo hore ula kulmay wasiirka Arrimaha dibadda Sacuudiga Caadil Aljubair.

Tags
Close
Close