Somali News

DAAWO SAWIRRO: Xarun cusub oo loo dhisay Wasaaradda Maaliyadda Soomaaliya

Dhismaha xarunta labaad ee Wasaaradda Maaliyadda Soomaaliya ayaa maanta xariga looga jaray magaalada Muqdisho, tasoo dhismaheeda ay maalgelisay dowladda Swedan.

Ra’iisul Wasaare ku xigeenka Somaaliya Mahdi Maxamed Guuleed oo ay wehliyaan Wasiirka Maaliyadda C/raxmaan Ducaale Beyle iyo Safiirka Dowladda Swedan ee Soomaaliya Andreas Von ayaa ka qeyb galay daahfurka xarunta csuub ee wasaaradda maaliyadda Soomaaliya.

Safiirka Swedan Andreas Von ayaa sheegay in dhismaha Xaruntan loogu talogalay sidii Shaqaalaha Wasaaradda Maaliyadda u helaan xarumo ku filan oo ay ku shaqeeyaan, ayna ku faraxsan tahay in maanta dib loo furo.

“Waxaan maanta xarigga ka jarnay dhismaha cusub ee Wasaaradda Maaliyadda, dhismahaan waxa uu qeyb ka qaadan doonaa shaqooyinka ay Wasaarddu qabato iyo horumarinta dhaqaalaha Dalka. Waxaan u mahadcelinayaa Safiirka Sweden ee Soomaaliya  Andreas Von iyo Dowladda Sweden oo noo dhistay gurigaan quruxda badan” ayuu yiri Wasiirka Maaliyadda.

Ra’iisal wasaare ku xigeenka Mahdi Maxamed Guuleed ayaa bogaadiyay Howlaha ay qabatay Wasaaradda Maaliyadda Dalka oo suura galiyay in sare uu u kaco daqliga dalka lana kordhiyo Miisaaniyada Dowladda, wuxuuna u mahad celiyey dowladda Sweden.

Tags
Back to top button
Close
Close