Somali News

DF oo beenisay muuqaalka ciidan beeleed doorashada diiddan

Maalmihii lasoo dhaafay ayaa waxaa baraha lagu faafiyay Muuqaal laga soo duubay Ciidamo lagu sheegayay in loo diyaariyay ka hortega doorasho aan raali lagu aheyn oo ka dhacda Muqdisho, waxaana arrintaas ka hadashay Xukuumadda Federaalka.

Wasiir ku-xigeenka Wasaaradda Warfaafinta Xukuumadda Cabdiraxmaan Sh Yuusuf Al-Cadaala oo Qoraal soo saaray ayuu ku beeniyay in aysan jirin Ciidamo kasoo horjeeda doorashada oo lagu soo bandhigay duleedka Muqdisho.

Al-cadaala ayaa sheegay in Muuqaalka laga soo duubay Ciidamada ee lagu faafiyay baraha Bulshada laguna sheegay inay kasoo horjeedan doorasho aan raali lagu aheyn uu yahay mid horey looga duubay Ciidamada dowladda oo aysan aheyn kuwo falaago.

Back to top button