Somali News

Dhoobe Daareed, oo Deni ku tilmaamay nin ilaalinaya dano uu leeyahay Imaaraadku.

Guddoomiyihii hore ee barlamaanka maamulka Puntland, Cabdixakiin Dhoobo Daareed, ayaa ku eedeeyay madaxweyne Siciid Cabdillaahi Deni in uu Muqdisho ujoogo sidii uu ufulin lahaa dano gaar ah oo deegaannada Puntland uu kaleeyahay waddanka Imaaraadku.

“Madaxweyne Deni uma joogo Muqdsiho dano umadda Somaliyeed ama reer Puntland, ee wuxuu halkaas u joogaa  sidii u carqaladayn lahaa heshiiska la gaaray iyo inuu ilaaliyo danaha Imaaraatka,” ayuu yiri Dhoobo oo wareysi siiyay  Telefeshionka Somali Cable.

Guddoomiyihii hore ee barlamaanka Puntland ayaa marar badan saxaafadda eedaymo u marsiiyay madaxweyne Deni tan markii xilka looga tuuray mooshin ay xildhibaanada Puntland ka keeneen 7 November 2019.

Dhoobo Daareed ayaa saxaafadda horey uga sheegay in Deni uu dhaqaale ku siiyay xildhibaanada in sifo sharci darro ah lagu rido, sidoo kalena uu masuul ka ahaa iska hor imaadkii ka dhacay xarunta barlamaanka saacaddo kahor inta aan la ridin.

Back to top button