Wadani.com: Covering All Somali News. Views and Analysis
Somali News

Dowladda Soomaaliya oo ka hadashay Shirka Kismaayo & Waanwaanta nabadeed ee Jabuuti iyo Eritrea

Wasiirka Warfaafinta Dhaqanka iyo Dalxiiska Mudane Daahir Maxamuud Geelee oo Shir Jaraa’id ku qabtay Magaalada Muqdisho ayaa faah-faahin ka bixiyay shirka seddax geesood ah ee u dhexeeyay Madaxda Soomaaliya, Eritrea iyo Itoobiya, kaasi oo ka dhacay magaalada Asmara ee dalka Eritrea.

Wuxuu sheegay Wasiirka in Madaxda wadamadaan dariska ah ay shirkooda diiradda ku saareen wax wada qabsi iyo sidii ay u yeelan lahaayeen iskaashi buuxa, iyadoo ugu danbayntiina hoggaamiyaasha ay kala saxiixdeen heshiis ka kooban Afar qodob.

Mudane Daahir Maxamuud Geelle ayaa sidoo kale sheegay in wasiirka Arrimaha dibadda iyo Is-kaashiga caalamiga ee Dowladda Federaalka Soomaaliya Mudane, Axmed Ciise Cawad iyo Wasiirada Arrimaha Dibadda ee Dalalka Eritrea iyo Itoobiya ay ku sii jeedaan Waddanka Jabuuti, iyagoo halkaasi u tagaya sidii loo soo afmeeri lahaa colaada muddada dheer u dhaxaysay waddamada Jabuuti iyo Eritrea.

“Dadaaladaan lagu dhamaynayo colaada wadamada Eritrea iyo Jabuuti waxay ka soo bilawdeen safarkii hore ee madaxweynaha Soomaaliya uu ku tagay Eritrea, ka dibna uu tagay dalka Jabuuti isagoo la wadaagay wadahadaladii Asmara iyo mowqifka dowladda Soomaaliya ee ku aadan dhamaynta colaada labadaan dal.” Ayuu yiri wasiirka warfaafinta Soomaaliya Mudane Daahir Geele.

“Soomaaliya iyo Jabuuti waxa ka dhaxayeeya wax yar oo la qiimayn karo maaha, Soomaaliya waxay kaalin mugleh ku lahayd in Jabuuti ay noqoto dal madax banaan, Jabuutina waxay dhowr iyo tobankii sano ee ugu danbayeeyay ay dadaal badan ku bixisay sidii Soomaaliya ay Nabad u noqon lahayd, maanta waxaa la soo gaaray markii Soomaaliya ay celin lahayd qayb ka mid ah abaal kaas, oo ay ka shaqayn lahayd Jabuuti oo nabad hesha.” ayuu hadalkiisa ku daray Mudane Daahir Maxamuud Geelle

Ugu danbayntii Wasiirka Warfaafinta Dowladda Soomaaliya ayaa sheegay in haatan la joogo waqtigii dowladaha gobalka ay ka gudbi lahaayeen kala qaybsanaanta iyo colaadaha isla markaana loo gudbi lahaa wadajir iyo iskaashi.

Related posts

Ra’iisal wasaare Kheyre oo Warbixinta Qorshaha Deyn cafinta ka dhageysatay Wasaaradda Maaliyadda (Daawo)

Wadani Media

Wasaaradda Ganacsiga Xukuumadda Somalia oo si kulul u beenisay in Korontadii laga goostay [Akhriso]

Wadani Media

Wasaaradda Warfaafinta: “Dab yar ayaa qabsaday keydka waxaana soo gaaray qasaaro yar” [Sawirro]

Wadani Media

Golaha Wasiirada Somalia oo kulan aan caadi ahayn la yeeshay Golaha Dhaqaalaha Qaranka (Sawirro)

Wadani Media

Madaxweyne Farmaajo oo Amar ku saabsan Qaraxyadii Muqdisho siiyey Taliyeyaasha Ciidamada (Sawirro)

Wadani Media

Shirkadda Kenya Airways oo Duulimaad Maalinle ah ka bilaabeysa Garoonka Aden Adde ee Muqdisho

Wadani Media