Wadani.com: Covering All Somali News. Views and Analysis
Somali News

FAL NAXDIN LEH: Qisada Nin lagu dilay magaalada Muqdisho, kadibna la gubay heybsooc dartiis

Fal si weyn looga naxay ayaa ka dhacay xaafadda Towfiiq ee degmada Yaaqshiid, Gobolka Banaadir markii weerar lagu qaaday nin caan ka ah xaafadda oo la dilay iyadoo loo adeegsaday Baangaro iyo Mindiyo , kadibna la gubay.

Arrintan ayaa ka dhalatay laba qoys oo deris ahaa oo muran ku dhex maray markii wiil ka dhashay Qoys kasoo jeeda Beesha Jareer uu guursaday gabar deris ah markii ay is fahmeen, isla markaaa uu dhex maray rabitaan, taasoo keentay inuu muran ka dhasho.

Guurka waxaa si weyn uga soo horjeesatay hooyada dhashay gabadha, basle dadaalo uu sameeyay wiilka gabadha rabay ayaa ugu dambeyn wuxuu ku qanciyay gabadha adeeradeed in lagu daro gabadha maadaama ay isjecel yihiin, iyadoo xarunta maxkamadda degmada lagu mehriyey.

Hooyada dhashay gabadha oo si weyn uga caroortay arrintan ayaa ku dooday in Beesha wiilka uu ka soo jeeda aanaey gabadheeda guursan karin, waxayna abuurtay fowdo keentay in maxkamad la isla tago oo looga digo inay qoyskaasi faraha ka qaado.

Hooyadii oo wadata gabdho koox ah iyo dad kale ayaa ku dhaqaaqady fal argagax leh, kadib markii goobtiisa ganacsiga ay ugu tageen Axmed Muqtaar Saalax oo ku magac dheer Axmed Dowlo oo wiilka adeer u ahaa, kadibna halkaasi ay ku dileen, iyaga oo tooreeyo iyo Maqar u adeegsaday dilkiisa, kadibna Dab & Bansiin qabadsiiyey Marxuumka.

Allaha u naxariistee marxuumka la dilay ayaa waxaa la geeyay xarunta dambi bariste ee CID-da, sida ay inoo sheegeen qaar ka tirsan eheladiisa oo dalbaday in cadaaladda la horkeeno dadkii ka dambeeyay dilka wiilkooda.

Falkan aan hore loo arag ayaa si weyn looga hadal hayaa xaafadda uu ka dhacay iyo guud ahaan Baraha bulshada ku xiriirto, wuxuuna noqday lama filaan iyo tallaabo laga argagaxay.

Related posts

Golaha Wasiirada Xukuumadda Somalia oo ka dooday tira-koobka shaqaalaha & Deyn Cafinta

Wadani Media

Madaxweyne Farmaajo: “30-kii sano ee ugu dambeeyay Somaliya waxa lagu hayey faragelin toos ah, laakiin..” (DAAWO)

Wadani Media

Ra’iisal wasaare Kheyre oo Warbixinta Qorshaha Deyn cafinta ka dhageysatay Wasaaradda Maaliyadda (Daawo)

Wadani Media

Wasaaradda Ganacsiga Xukuumadda Somalia oo si kulul u beenisay in Korontadii laga goostay [Akhriso]

Wadani Media

Wasaaradda Warfaafinta: “Dab yar ayaa qabsaday keydka waxaana soo gaaray qasaaro yar” [Sawirro]

Wadani Media

Golaha Wasiirada Somalia oo kulan aan caadi ahayn la yeeshay Golaha Dhaqaalaha Qaranka (Sawirro)

Wadani Media