FeaturedSomali News

Ra’iisal Wasaare Kheyre & Wafdigiisa oo ku laabtay magaalada Muqdisho (Sawirro)

Ra’iisal wasaare Xasan Cali Kheyre ayaa dib ugu soo laabtay magaalada Muqdisho, kadib socdaal rasmi ah oo uu ku tegay dalka Boqortooyada iyo kulamo uu la yesshay madaxda dalkaasi.

Kadib safarka Wafdiga Ra’iisal wasaaraha wuxuu cumro u tegay Magaalada barakeysan ee Maka Almukarama, isagoo saaka dib ugu soo laabtay magaalada Muqdisho.

Wasiirka Warfaafinta xukuumadda Soomaaliya Daahir Maxamuud Geelle oo ka mid ahaa wafdiga Ra’iisal wasaaraha ayaa faahfaahin ka bixiyey socdaalkii wafdiga Ra’iisal wasaaraha.


Shalay ayey ahayd markii Ra’iisal wasaare Kheyre iyo wafdigiisa ay gaareen magaalada Jiddah, iyadoo dhammeystay socdaalkoodii magaalada Riyaad, waxaana garoonka Caalamiga ah ee Boqor C/casiis magaalada Jidda ku soo dhoweeyay Amiirka Gobolka Maka Amiir Bandar bin C/casiis, waxaana la filayaa inu cumro u tago magaalada Maka inta aanu dib ugu soo laaban magaalada Muqdisho.

Wafdiga Ra’iisal wasaare Kheyre ayaa socdaal muddo laba maalmood ah ku qaatay dalka Sacuudiga, isagoo la kulmay boqorka dalkaasi iyo madax kale oo ay ka wahadleen xiriirka labada dal.

Close
Close