Warbixin ku saabsan Qarax lagu weerarray Xarunta Degmada Hodon ee magaalada Muqdisho (Sawirro)

Qarax is-miidaamin ahaa lala beegsaday xarunta degmada Hodon ee magaalada Muqdisho, waxaana qaraxa sheegtay kooxda Alshabaab.

Qaraxa ayaa loo adeegsaday Gaari waxyaabaha qaraxa laga soo buuxiyey oo uu waday ruux is-miidaamiye ahaa, wuxuuna qaraxa si weyn u baabi’iyey xaruntii degmada Hodon ee  magaalada Muqdisho, waxaana k adhashay  qasare dhimasho dhaawac leh oo uu wehliyo burbur hanti.

Dadka ku dhintay qaraxa ayaa lagu sheegay 4 qof, iyadoo dhaawacuna sare u dhaafay 15 kale. Waxaa burbur weyn oo ka dhacay xarunta degmada Hodon, iyado sidoo kale ay burbureen laba masjid iyo xarumihii ku dhowaa degmada Hodon.