Wararka laga helayo magaalada Baledweyne ee Xarunta Gobolka Hiiraan ayaa sheegaya inay xaaladii cakirneyd ee magaalada ay kasii dartay iyadoo Maleeshiyaad hubeysan ay xirteen wadooyinka Muhiimka ah ee Magaalada iyagoo ka careysan dilkii Madaxii Hay’adda Miino Baarista ee Main Action Mahdi Xuseen Shiikhaal oo dhowaan lagu dilay magaaladaasi laguna eedeeyay inay ka dambeeyeen ilaalada guddoomiyaha Gobolka Hiiraan.
Maleeshiyaadka ay la wareegeen qeybo ka mid ah Magaalada, iyadoo sidoo kale Magaalada ay Buux dhaafiyeen Ciidamo taabacsan Guddoomiyaha Gobolka Hiiraan C/fitaax Xasan Afrax oo ilaalo ka galay xarumo muhiim ah.
Waxaa muddooyinkan danbe magaalada ka taagneyd xiisad ka dhalatay dilkii sarkaalka MINE ACTION iyadoo waanwaan socotay lagu guuleysan waayay , waxaana laga cabsi qabaa inuu dagaal maleeshiyaadka iyo Ciidamada Taageersan Guddoomiyaha Gobolka Hiiraan iyo kuwa sarkaalka la dilay oo mudo toddobaad ka badan isku hor fadhiya gudaha magaalada.
Banaanbax looga soo horjeedo Dowladda Federaalka ah ee soomaaliya ayaa sidoo kale ka dhacaya magaalada, iyadoo dadka Banaanbaxa soo qaban qaabiyay ayaa sheegay in ay ka soo horjeedaan Dowladda Dhexe iyo qabkii loo guddiga Farsamada ee Maamul u sameynta Gobolada Hiiraan iyo Shabellaha Dhexe oo la kala diray.
Waxaa muuqata in xaaladda magaalada ay ku dhowdahay inay faraha ka baxdo, saraakiisha dowladda, odayaasha iyo dhinacyada kala duwan ee gobolka Hiiraan ayaa dadaal ugu jira in xaaladda la xakameeyo walow xiisadu ka sii dareyso.
Wadani.com
