Baarlamanka Soomaaliya ayaa si cad uga hor yimid in maamulka Gobolka Banaadir uu awood ku yeesho dhismihii hore ee xarunta Baarlamaanka ee magaalada Muqdisho oo dhowaan la sheegay in guddoomiyaha Gobolka uu ku wareejiyay ganacsato si dib loogu dhiso.
Shir ay maanta yeesheen Baarlamaanka xaruntooda ayuu ka sheegay Guddoomiyaha Baarlamaanka Soomaaliya Prof. Maxamed Sheekh Cusmaan (Jawaari) in dhismaha xarunta Ex-Baarlamaan aanay shaqo ku lahayn arrinta dhismaha hore ee Baarlamaanka oo ay tahay arrin u gaara Baarlamaanka Soomaaliya, isagoo digiin u diray maamulka Gobolka Banaadir.
Guddoomiyaha Baarlamanka ayaa cadeeyay in Baarlamaanka ay u saareen Guddi soo qiimeeya dib u dhiska Ex-Baarlamaan Guddigaa, iyagoo Baarlamaanka hor keeni doona qiimeyntooda iyo kharasha ku baxaya.
Hore waxaa loo sheegay in dalka Imaaraadka Carabta uu dib u dhis ku sameynayo Xaruntii Baarlamanka hore iyadoo aan la ogeyn halka arrintaasi ku danbeysay.
Wadani.com
