Hay’adda Nabadsugidda Soomaaliyeed ayaa sheegtay in ay ciidamadeedu ay Muqdisho ku soo qabteen sarkaal sare oo ka tirsan ururka Al-Shabaab. War qoraal ah oo ay warbaahinta dowladda ka soo xigatey hey’adda Nabad Sugida Qaranka ayey ku sheegtey in sarkaalka lagu beegsadey howlgalkan, ay horey madaxiisa lacag u dul dhigtey.
Inkastoo NISA aysan shaacin magaca sarkaalka la qabtey iyo faahfaahinta howlgalka lagu soo qabtey oo ka dhacay Hotelka Hotelka Golden ee ku yaala suuqa Bakaaraha ee magaalada Muqdisho aya hadana wararku sheegayan inuu yahay sarkaal sare oo la doondoonayay.
Ilo ka tirsan sirdoonka ay sheegay in sarkaalkan uu yahay mid darajadiisu heer dhexe, mas’uuliyad sarena ka haya Al-Shabab, isagoo loo heystay xiriirinta dilal loo geystay dad bulshada magac ku dhex leh iyo saraakiisha dowladda oo ka dhacay Muqdisho.
Dowladda Soomaaliya ayaa bishii bishii July ee 2015 dul dhigtey lacag dhan $2,000 ninkan shalay lasoo qabtay iyo xubno la socday.
HALKAN KA AKHRI LIISKA XUBNAHA ALSHABAAB EE DOWLADDA SOOMALIYA MADAXOODA DUL DHIGTAY LACAGTA
http://goobjooge.com/dowladda-soomaaliya-oo-soo-saartay-liiska-xubnaha-alshabaab-ee-la-raadinayo-lacag-la-dul-saaray/
Wadani.com
