Magaalada Dhuusamareeb ee Xarunta Gobolka Galgaduud oo ay gacanta ku hayaan kooxda Ahlu suna ee gobolada dhexe ayaa la sheegaya inay ka alsoonsan tahay xiisad Colaadeed, kadib markii muran dhinac awoodda ah soo kala dhex galay maamulka Ahlu suna iyo sarkaal hore uga soo goostay Galmudug oo ka tirsanaa ciidamada Milateriga Soomaaliya iyo ciidamo uu wato.
Sarkaalkan oo lagu magacaabo LIibaan Maxamuud Madaxweyne ayaa la sheegay inuu diiday amar ka soo baxay Ahlu suna oo ka dalbaqay inuu hubka waaweyn ku wareejiyo, waxaana xaafadaha Waaberi iyo Waxarcade ee Dhuusmareeb isku hor fadhiya ciidamada taabacsan sarkaalka iyo kuwa Ahlu suna.
Sarkaalkan oo markii uu Ahlu suna u soo galay si weyn loo soo dhoweeyay ayaa hadda u muuqda inuu halis ku hayo kooxda maamusha Degaanada Dhuusmareeeb iyo Guriceel, waxaana dadka magaalada sheegeen inay ka cabsi qabaan dagaal ka dhaca Dhuusamareeb.
Shirar lagu doonayo in xaalada lagu qaboojiyo ayaa u socda mas’uuliyiinta Maamulka Gobolada Dhexe ee Ahlusunna, waxaana rajo laga qabaa in xal loo helo arrintan iyadoo Liibaan Madaxweyne ku adkeysanayo inuusan hubkiisa cidna ku wareejineynin.
WARARKII HORE EE SARKALAAKAN HOOS KA AKHRI
http://goobjooge.com/sarkaal-sare-iyo-ciidamo-ka-tirsan-galmudug-oo-u-goostay-maamulka-ahlu-suna/
Wadani.com
