Maxkamadda Darajada koowaad ee ciidammada Qalabka ee magaalada Muqdisho ayaa amar ku bixisay in la sii daayo 7 sarkaal oo u xirnaa qaraxii ka dhacay Hotelka SYL, kaddib markii ay sheegtay in dambi lagu waayay. Saraakiishan oo xirnaa muddo 4 bilood ah ayuu ku dhawaaqay guddoomiye ku xigeenka maxkamadda darajada koowaad ee ciidamada, waxaana saraakiisha ku eedeysnaa inay fududeeyeen qaraxii hotelka SYL lagu qaaday ee Alshabaab fulisay ay kala yihiin:
1. G/sare Bol. Maxamed Ismaaciil Cali.
2. G/sare Bol. Cali Axmed Cabdi.
3. Dhamme Bol. Bashiir Yuusuf Fooleey.
4. L/X/le Bol. Cabdifitaax Aadan Axmed.
5. A.le Bol. 17086 Salaad Cabdullaahi Sh Cali.
6. D/le Bol. 20897 Cabdikamaal Xuseen Cabdi.
7. D/le Bol. 20860 Maxamed Cali Xasan.
Sidoo kale maxkamadda ayaa ku dhawaaqday maanta inay dib u dhigtay dacwadda afar sarkaal oo kiiskan ku jiray kuwaasoo kala ah;
1. G/le dhexe Maxamed Daahir Cabdulle
2. L/x/le Mahad Cabdi Cumar
3. X/le Xasan Daahir Maxamed
4. K/S Axmedkhadar Maxamed Xasan.
Arrintan ayaa xalineysa qeyb ka mida dacwad waqti qaadatay oo markii ugu horeysay lagu soo eedeeyay saraakiil ciidamada dowladda ka mida inay la shaqeeyeen Alshabaab. Waxaana madaxda sare ee dowlada culeys weyn saaray beel ay ka soo jeedaan qaar ka mida saraakiishaasi oo kiiska oo dhan u bedeshay mid qabyaaladeed. Hay’addaha dowladda ayaan u muuqan inay awood u leeyihiin fulinta cadaaladda xilligan adag ee weli qabyaaladu ka sareyso qaranimada.
Saraakiisha dib loo dhigay dacwadooda ayaa sidoo kale lagu wadaa in la sii daayo, iyadoo sababtu tahay dembi noocaas ah oo keeni kara dil toogasho ah, dowladda federaalka ahna ay ka maagtay inay tallaabo noocaasi ah qaado xaaladda awgeed.
Goobjooge.com
[ad name=”HTML-1″]
[ad name=”HTML-6″]
