Agaasimeyaasha in ku dhow 30 Warbaahin oo ku yaala Soomaaliya ayaa tababar ku saabsan xuquuqda haweenka iyo isu-dheelitirka jinsiga (gender) ee dhinaca shaqada looga furay magaalada Kampala ee dalka Uganda iyadoo ay ka mid yihiin agaasimaha Radio Muqdisho ee hoos taga dowladda Soomaaliya iyo warbaahinta hoos tagta maamulada Somaliland iyo Puntland.
Seminaarka ayaa waxaa iska kaashaday Hay’adda UNDP oo fulinaysa iyo AMISOM qeybta Jinsiga qaabilsan waxaana la sheegay in lagu baran doono sida haweenka fursad fiican looga siin lahaa warbaahinta iyo dhiiri gelinta xilliga ay shaqada ku jiraan.
Tababarkan ayaa la yaab ku noqday xeeldheerayaal kala duwan in xilligan agaasimeyaasha ugu sareeya warbaahinta qaranka loo furo seminaar noocan oo kale ah halkii aqoontooda la kordhin lahaa oo lagu biiran lahaa sidii ay xaaladooda shaqo ugu dabaqi lahaayeen marxalada cusub ee dalku marayo.
“Waa seminaarkii u danbeeyay ee aan xiligan u baahneyn, waxaan filaayay in naloo qabto seminaaro ku saabsan: Nabadda, doorashooyinka, xaaladda kala guurka ah iwm..” ayuu yiri mid ka mida agaasimeyaasha ka qeyb galaya seminaarka oo Wadani.com la hadlay oon magaciisa qarinay inta seminaarku ka dhammaanayo, isagoo intaas ku daray in kaliya nasasho ay u joogaan Magaalada Kampala.
Wadani.com
[ad name=”HTML-1″]
