Waxaa magaalada London maalinta berri ah ka furmaya shirka caalamiga ah ee arrimaha Soomaaliya oo ay ka qeyb galayaan ilaa 40 dal oo dunida ka tisan iyo ururro caalami ah.
Haddaba shirka oo ah kii labaad oo magaalada London ay marti geliso waxa qodobbadda ugu waaweyn iyo ajendayaasha looga hadlayo ay kala yihiin:
Nabadgalyada:
Shirka waxaa xoogga lagu saari doonaa in laga (Habdhiska Amniga Qaranka) ee dhowaan madaxda Soomaalida ay Muqdisho ku gaareen iyada oo laga ambaqaadayo dhismaha ciidamada xoogga dalka iyo la dagaalanka waxa loogu yeero argigixisada.
Arrimaha Siyaasadda:
Shirka waxaa Ajendayaashiisa ka mid ah in looga hadlo siyaasadda Soomaaliya iyo in dib u habeyn lagu sameeyo hey’adaha dowladda federaalka ah sida Federaalism-ka, Siyaasadda is dhexgal-ka iyo doorashada dalka ka dhici doonta 2020-ka ee qof iyo codka ah.
Dowladda federaalka ah iyo maamul goboleedyada ayaa sidoo kale lagu wadaa in ay ka wada hadlaan dib u eegista dastuurka iyo arrimo kale.
Dhaqaalaha:
Shirka Ajendayaashiisa waxaa ka mid ah sidii beesha caalamka Soomaaliga uga taageri laheyd Soomaaliya dhaqaalaha, in Soomaalida ka faa’ideysato xoolaha iyo canshuuraha, waxaa kale oo laga heshiin doonaa in dowladda, bulshada rayidka ah iyo beesha caalamka ka wada shaqeeyaan kororka dhaqaalaha Soomaaliya.
Arrimaha Banii’aadnimada:
Shirka Ajendayaashiisa waxaa ka mid ah sidii looga jawaabi lahaa abaraaha dalka ka jira arrintaas oo beesha caalamka laga sugayo in ay lacago halkaasi ku yahoobaan sidii wax loogu qaban lahaa dadka ku dhibaateysan abaaraha dalka ku baahay.
Heshiisyada Iskaashiga Cusub:
Shirka waxaa lagu soo saari doonaa heshiis badala New Dealka, waxaa loo bixiyay “ Heshiisyada iskaashiga cusub”, waana heshiis u dhaxeeya Soomaalida iyo beesha caalamka, kooxda dambe ayaa laga sugayaa in ay bixiyaan lacago lagu dhisayo hey’adaha dowladda iyo in Soomaaliya ay noqoto dal barwaaqo ah sanadka 2020-ka, waxaa heshiiskaasi ku jira doorashada 2020-ka, dastuurta, hor-u-mar dhaqaale, la dagaalanka musuqa…..heshiiska beesha caalamka iyo Soomaalida ayaa la sheegayaa in isla xisaabtan adag lagu saleyn doono.
