Dood kulul aya ka socota Xarunta Baarlamaanka, taasoo ku saabsan wax ka bedelka Xeerka Bankiga Dhexe oo xukuumadda ay wadato, waxaana xildhibaannada qaarkood ay si weyn uga digeen qorshaha xukuumadda.
Ugu horeyn waxaa hadlay Xildhibaan C/llaahi Goodax Barre oo wasiirka Waxbarashada ka ah xukuumadda, wuxuuna sheegay in xeerkan Bankiga Dhexe laga fidiyay been uu sheegay inay wadaan wax uu ugu yeeray dad “Qaran dumis” oo sheegaya in Bankiga la doonayo in loo Magacaabo qof Ajnabi ah, tasoo uu sheegay inay been tahay.
Xildhibaan ali Jaamac Jangeli ayaa isna xildhibaannada u sheegay inaysan aaamini karin warkii uu sheegay Wasiir (Goodax), wuxuuna yiri: “Waxaan aad ugu Xumahay in Xeer 60-kii lagu qoray shaqadda dadka waxaa iska leh muwaadinka hadda la bedelo, waana wax aanan qaadan karin”.
Xildhibaan Jangeli ayaa sheegay inay Soomaaliya leedahay Aqoonyahano Caalami ah oo ka soo shaqeeyay Bankiyo Caalami ah, wuxuuna dowladda Sooomaaliya u soo jeediyey inan laga aamin bixi dadka Soomaalida ah.
Xildhibaan Sakiye Xaaji Maxamuud ayaa walaac ka muujiyay Xeerka la horkeenay Golaha Shacabka” Gudoomiye Mahubtaa in warqadaan ay kaaga timid Xukumadda oo ay is ku raaceen Golahii Wasiiradda” ayuu si kaftan ah yiri Xildhibaan Sakariye.
Dhinaca kale Xildhibaan Sakariye Xaaji Maxamuud ayaa si cad u sheegay in xeerka loo bedelayo qof ajnabi ah uu noqonayo Qiyaano Qaran, waxaana hadalkiisa ka mid ahaa: “Waxaa na daawanaya dadkii aan metelaynay oo naga war sugaya waana dad aqoonyahano ah oo og waxa aan samaynayno”.
Xildhibaan Sakariye Xaaji Maxamuud ayaa ugu digay Golaha Shacabka ee Baarlamaanka Soomaaliya in ay meel Mariyaan Sharigaan oo halis ku ah qaranimada.
Waxaa kaloo xeerka Bankiga Dhexe ka hor yimid xildhibaanno dhowr ah, waxaana socda dood xoog leh, iyadoo guddoonka baarlamaanka ay doonaayaan in isla maanta ay cod u qaadaan.
Xildhibaan Dahar Amiin Jeesoow ayaa isagu hadalkiisa caddeystay isagoo sheegay in Gaal madow loo dhiibo Bankiga Dhexe, sidaasina loogu coddeeyo,wuxuuna ku dooday: “”Waxaad rabtaan in lagu shaqeeyo qabiil, 4.5 iyo waxaan haboonayn waxaa la bedelayaa Xeerka Bankiga Dhexe, waxaana loo dhiibayaa Gaalka midka ugu Madow”.
