Guddiga Doorashada Guddoonka Golaha Shacabka BJFS ee BFS wuxuu maanta shaaciyay Jadwalka Doorashada Guddoonka Golaha Shacabka, Diiwaangelinta musharixiinta, hadal jeedinta iyo xilliga Doorashada.
Jadwalkan ayaa waxaa hore u diyaariyey Guddiga Doorashada Guddoonka Golaha Shacabka, waxaana la shaaciyey markii ay ansixiyeen maanta labada Aqal ee Baarlamaanka.
Hoos ka akhriso
1- Is-diiwaangelin musharixiinta Guddoonka Golaha Shacabka (Xilliga shaqada: 09:00 Am ilaa 04:00 pm) taariikh 19, 20 iyo 21 April, 2022.
2- Hadal jeedinta musharixiinta Guddoomiyaha iyo Guddoomiye ku-xigeennada ee Golaha Shacabka BFS taariikh 23 iyo 24 April, 2022.
3- Is-diyaarinta Guddiga Doorashada Guddoonka Golaha Shacabka BFS 25 April, 2022.
4- Doorashada Guddoonka Golaha Shacabka BJFS ee Baarlamaanka Jamhuuriyadda Federaalka Soomaaliya taariikh 27 April, 2022.
