Baarlamaanka cusub ee Soomaaliya ayaa kulankiisii ugu horeeyay maanta ku yeelanaya magaalada Muqdisho kadib markii la dhaariyay.
Baarlamaanka oo ka kooban labada Aqal ayaa ajendayaasha hor yaalla waxaa ka mida:
- Arrimaha Doorashada, iyadoo guddi Doorasho la magacaabayo Doorashada guddoonka Baarmaanka iyo Madaxweynaha.
- Miisaaniyad saddex biloodle ah oo laga doodayo.
- Iyo Qodobo kale.
Xildhibaanada ayaa ku shiraya Maanta Xarunta Golaha Shacabka,waxaana si weyn loo adkeeyay Ammaanka Agagaarka Xarunta Golaha Shacabka ee Magaalada Muqdisho.
Guddoomiyaha kumeelgaarka ah ee Baarlamaanka Cismaan Cilmi Boqorre ayaa sheegay in kulanka maanta ay hor yaallaan arrimo badan oo ay ka mid tahay sidii Guddi loogu saari lahaa Doorashada guddoonka iyo Madaxweynaha, iyadoo Guddigaasi ka shaqeyn doono sidii loo diyaarin lahaa doorashada iyo waqtigeeda.
Labada Aqal ee Baarlamaanka ayaa qabyo ah, iyadoo aan la dooran weli xildhibaano ka soo jeeda beelaha waqooyi, waana arrin hor taalla Baarlamaanka cusub sida loo dhameystirayo Doorashada.
Wadani.com