AKHRISO: Musharixiin Madaxweyne oo Qoraal ka soo saaray xaaladda siyaasadeed e Galmudug

Qaar ka mida musharixiinta xilka madaxweynaha Soomaaliya ayaa soo saaray qoraal mugdi ku jiro oo ku saabsan xaaladda ka taagan maamul Goboleedka Mudug iyo magaalada Cadaado.

Musharixiintan oo gaaraya 7 ayaa qoraalkooda ku sheegay in la dhowro sharciga iyi Dastuurka maamulka Galmudug, waxayna ku baaqeen nabad, laakiin ma cadda mowqifkooda xil ka qaadista madaxweynaha Galmudug C/kariin Xuseen Guuleed.

HOOS KA AKHRI QORAALKA MUSHARIXINTA

Jamhuuriyada Federaalka Soomaaliya

War-Murtiyeed  January 18, 2017

Bismillaah Raxmaani Rahiim

Anagoo ah Musharaxiinta Madaxweynaha ee hoos ku qoran ee kasoo jeeda Maamul Goboleedka Galmudug, waxaan halkaan kusoo gudbineynaa aragtideena ku aadan xasiloonidarrada iyo qal qalka siyaasadeed ee ka taagan xaruunta ku meel gaarka ee maamul Goboleedka Galmudug ee Cadaado.

1.Ugu horeyn, waxaan tacsi u direynaadhamaan eheladii dadkii ku geeriyooday iska hor imaadkii ka dhacay Cadaado.Waxaan xusuusineyna ciidamada Milaterga, Booliski, iyo Nabadsugidu in ay sugaan amaanka shacabka a ku nool gobolka iyo Caasimada gobolka kanawaantoobaan fulinta awaamiirta aan ku salaysaneyn shuruucda Wadanka iyo Gobolka.

2.Waxaan taageereynaa mowqifka odayaasha dhaqanka oo ugu baaqay madaxda Maamul Goboleedka in ay ixtiraamaan Dastuurka Galmudug iyo xasilloonida gobolka.

3. Waxaa waajib ku ah madaxda Gobolku inay u hogaansamaan Dastuurka Maamul Goboleedka, iyo danta guud ee muwaadiniinta ku nool Gobolka.

4. Waxaan ugu baaqeynaa Xidibaanada Federaalka ee kasoo jeeda Galmudug inay ixtiraamaan ku dhaqan Dastuurka Galmudug una tagnaadaan maslaxada shacabka ay metelaan iyo danaha Gobolka.

5.Waxaan ka codsaneynaa shacabka Galmudug in ay taageeran ku dhaqan Dastuurka Maamul Goboleedka Galmudug.

6. Waxaan mudaanan leh in la tix geliyo baahida shacabka Galmudug u qabaan horumarka iyo nabadgelyada.

7. Waxaa Beesha Caalamka ugu baaqeynaa in ay tixgeliyaan Dastuurka iyo hab dhaqameedka Galmudug taageeraana go’aamada dastuuriga ah.

1. Maxamed Cabullaahi Farmaajo

2. Dr. Cabdinaasir Cabdulle Maxamed

3. Cabdiraxmaan Cabdishakuur Warsame

4. Dr.   Maxamud M. Culusow

5. Jibriil Ibraahim Cabdulle

6. Cabdullaahi Cali Axmed

7. Eng. Cabullaahi Cali Xasan

Faafin. Wadani.com