Guddiga Farsamada Shirka Dhuusamareeb 3 ee ka baaraandegga nooca Doorasho ee dalka ka dhaceysa ayaa diyaariyey habab doorasho oo ay kala xulan doonaan madaxda dowladda Federaalka iyo kuwa Maamul Goboleeyada.
Warbixin ay Guddiga oo uu madax u yahay sii-hayaha Wasiirka Dastuurka, kana maqan yihiin xubnihii ka socday Puntland iyo Jubbaland xalay siiyeen Madaxweynaha Soomaaliya, madaxweynayaasha Maamul Goboleedyada Hirshabelle, K/Galbeed, Galmudug iyo guddoomiyaha Gobolka Banaadir ayaa lagu soo bandhigay noocyada Doorashada, waxaana ka mida labadii qaab ee Guddiga Doorashooyin Qaran ka hor jeediyey Baarlamaanka, iyadoo ay kala yihiin:
1. Doorasho dadban oo la kordhiyey tirada codbixiyeyaasha, lagana dhigo 101,-1000, taasoo ergada ay isla soo xulayaan odayaasha, iyo bulshada rayidka, wadajirka loo doornayao xildhibaannada oo dhici karta kahor February 2021-ka.
2. Doorasho isugu jirta toos (Qof iyo Cod) iyo mid dadban oo degaanada qaar ka dhaceysa, qaar kalena loo qabanayo, waxaana codeynaya dad ka badan Hal Milyan oo lagu qaban karo ilaa July 2021.
3. Qof iyo cod (Biometric), oo ay codeeyaan ka badan 3 milyan qof, oo qaadaneysa 13 bil – Talo soo jeedintii Guddiga Doorashooyinka-.
4. Qof iyo cod oo Is-diiwaangelinta iyo codeynta isla maalinta dhaceysa 3 ilaa 4 milyan oo qaadaneysa 9-12 bilood.
Madaxweyne Farmaajo aya doonaya nooca Doorasho ee qeybta labaad, iyadoo uu taageero uga helay madaxda maamul Goboleedyada iyo Gobolka Banaadir.
