Waxaa soo baxday faragelin ay la kulmeen Guddiga Wasiirada ee Ra’iisal wasaare Maxamed Xuseen Rooble u saaray kala shaandheynta xubnaha Guddiyada Doorashada ee cabashada laga keenay oo sababtay inay weli Guddiyada ku jiraan xubno ka mida shaqaalaha dowladda.
Guddigan oo uu madax u yahay Wasiirka Waxbarashada C/llaahi Carab oo saaxiib dhow la ah Ra’iisal wasaaraha ayaa la sheegay inay faragelin uga timid Madaxweynaha xilkiisu dhammaaday ee Maxamed C/llaahi Farmaajo iyo Agaasimaha NISA, kadibna ay u hoggaansameen inay guddiga ku sii hayaan xubno ka mida shaqaalaha dowladda.
Siyaasiyiinta kasoo jeeda Somaliland ee Garabka Guddoomiyaha Aqalka Sare ayaa maanta shaaciyey inuu weli guddiga Doorashada Somaliland ku jiro Khadar Xariir Xuseen oo Farmaajo doonayo inuu noqdo Guddoomiyaha Guddiga Doorashada Somaliland.
Khadar xariir wuxuu ka tirsan yahay Mas’uuliyiinta Sare ee Hay;adda Qaxootiga Qaranka, isagoo markii hore ka mid ahaa shaqaalaha Madaxtooyada, balse loo wareejiyay Hay’adda Qaxootiga markii ay madax ka noqotay agaasimihii hore ee Madaxtooyda Aamina Siciid Cali.
Xubinta kale waxaa lagu magaaabaa Yoonis Xasan Alifow wuxuu ka mid yahay Guddiga Doorashada Hirshabellem isagoo ahaa guddoomiye ku xigeenka Hay’adda Qaxootiga Qaranka, waxaana labadan xubnood dacwad kasoo gudbiyey Midowga musharaxiinta iyo Guddoomiyaha Aqalka Sare Cabdi Xaashi C/llaahi.
– Guddiga Shaqaalaha Qaranka oo Digniin kasoo saaray Shaqaalaha Rayidka ee xilalka loo magacaabay
Guddoomiye ku-xigeenka hey’adda qaxootiga oo ah, waxaa hey’adda laga shaqaaleysiiyey 23/10/2019-kii, Waxayna Guddiga shaqaalaha Rayidka ah ay ku heleen inuu labo mushaar ka kala qaadan jiray, Villa Somalia ah iyo Hay’adda Qaxootiga ah. (Akhriso Warkan)
Ilaa hadda labadan xubnood ayaa si rasmi ah loo xaqiijiyey Guddiga kala saarista xubnaha cabashada laga keenay ay ku fashilmeen inay ka saaraan Gurriyada Doorashada, kadib markii ay culeys kala kulmeen Madaxtooyada oo dooneysa inay xubnahan ku sii jiraan guddiga.
