Al-Shabaab ayaa fagaaro kuyaalla degaanka Kuunyo-barow ee gobolka Shabeellaha Hoose ay ku toogteen lix rag ah oo ay ku eedeeyeen inay la Shaqeeynayeen Sirdoonka Mareykanka.
Fagaaraha toogashada la dhacday ayaa waxaa ku sugnaa boqolaal ah Shacabka degaanka kuunyo-baroow oo ay Al-Shabaab ku amreen inay daawadaan sida ay u dhaceyso toogashada.
Lixda Qof ee la toogtay waxay kala yihiin:
1- Aweys Aadan Xassan (Dalabey) oo ay Al-Shabaab ku eedeeyeen in uu la Shaqeeynayay Sirdoonka mareykanka, isla markaana uu bixiyay xogta duqeymo lala beegsaday Xubno katirsan Al-Shabaab.
2- Cabdulqaadir Ibraahim Xuseyn (Boqol) oo Al-Shabaab sheeeen in uu ka qeyb qaatay ilaa lix duqeyn, isla markaana uu la Shaqeeynayay Sirdoonka dowladda mareykanka.
3- Cabdiraxmaan Cabdulle Dhicisow oo lagu eedeeyay in uu la Shaqeeynayay Sirdoonka Mareykanka, uuna ka qeyb qaatay hagida laba duqeyn oo ka dhacday duleedka degaanka Kuunya-barow ee gobolka Shabeellaha Hoose.
4- Cabdalla Nuunow Cabdulqaadir ayaa isna Al-Shabaab ku eedeeyeen in uu ka qeyb qaatay duqeyn lagu dilay Saraakiil katirsan ururka Al-Shabaab, sidoo kale uu xogtooda gudbiyay kuwo kale.
5- Maxamad Sheekhey Barrow waxay isna ku eedeeyeen in uu la Shaqeeynayay sirdoonka mareykanka, isla markaana uu ka qeyb qaatay duqeymo ka dhacay gobolka Shabeellaha Hoose
6- Xassan Cumar Murjaan (Xassan Garre) ayaa Al-Shabaab ku eedeeyeen in uu la Shaqeeynayay Sirdoonka dowladda Mareykanka, isla markaana uu ka qeyb qaatay Saddex duqeyn oo ka dhacday degaanka Kuunya-barrow ee gobolka Shabeellaha Hoose.
