Alshabaab ayaa Warka soo saartay qaraxa is-miidaamin ah oo maanta ka dhacay Muqdisho, iyadoo shaacisay cidda ay qaraxa ku beegsatay.
Warka kasoo baxay Alshabaab ayaa lagu sheegay in qaraxa uu fuliyey is-miidaamiye ka tirsan Alshabaab, isla markaana lagu beegsaday Gaadiid ay la socdeen mas’uuliyiin ku socotay Madaxtooyada Soomaaliya oo marayey Isgoyska Ceelgaab.
Sida ay baahiyeen warbaahinta Alshabaab ayaa soo xigatay War kasoo baxay Al Shabaab oo lagu sheegay in weerar naf hurnimo lagu beegsaday gaadiid ay mas’uuliyiin la socdeen oo kusii jeeday madaxtooyada Soomaaliya.
“Mujaahidiinta ayaa camaliyad is-miidaamin ah ku beegsaday koontaroolka ugu weyn ee laga galo madaxtooyada, xilligii uu weerarku dhacayay ayay goobta ku sugnaayeen mas’uuliyiin iyo saraakiil ” ayaa lagu yiri warka kasoo baxay Al-shabaab.
Qaraxa ayaa dhaliyey qasaare dhimasho iyo dhaawac leh oo isugu jira ciidamo iyo shacab goobta ku sugnaa. Tirada dhimashada ayaa garata 8 qof, halka dhaawaca uu ku dhow yahay 20 kale.
Inta la ogyahay waxaa qaraxa ku dhimatay Hibaaq Abuukar Xasan mas’uul ka tirsaneyd xukuumadda federaalka oo ahayd la-taliyaha Ra’iisal wasaaraha ee arrimaha Haweenka iyo Xuquuqda Insaanka.
Faahfaahinta: Halkan ka akhriso
