Xarakada Alshabaab ayaa War kasoo saartay Doorashadii maamulka Jubbaland ee dhowaan ka dhacay magaalada Kismaayo oo dib loogu doortay Axmed Madoobe iyadoo laba madaxweyne oo kale ay sheegeen in lagu doortay Kismaayo.
Guddoomiyaha Jubbooyinka u qaabilsan Alshabaab Sheekh Mohamed Abuu Cabdalla oo wareysi siiyey Warbaahinta Alshabaab ayaa sheegay inay la dagaalamayaan dhammaan madaxweynayaalsha sheegtay inay madax ka yihiin maamulka Jubbaland, isagoo sheegay inay Jubbaland ay isku heystaan dowladaha Kenya, Itoobiya iyo reer Galbeedka.
Abuu Cabdalla ayaa sheegay in kuwa sheeganaya madaxweynaha ay ka amar qaataan shisheeyaha, ayna joogaan labada degmo ee Afmadow iyo Kismaayo, cid kasta oo la doortana aysan jirin meel ay ku shaqeeyaan, wuxuuna caddeeyay inaysan waxba iska bedelin mowqifkooda, ayna sii wadi doonaan dagaalka iyo qaraxyada ay ku hayaan maamulkaasi.
