Koox Bistoolado ku hubeysan ayaa xalay wiil dhalinyaro ah ku dishay xaafadda KPP ee degmada Hodon, magaalada Muqdisho, iyagoo goobta ka baxsaday.
Dilka Feysal Maxamed Xuseen ayaa ka dhacay gudaha Farmashiye uu ku lahaa Xaafadda KPP, waxaana wiilka la dilay dhalay dhaqtar laga yaqaan degaankaasi oo caruurta daweeye, kaasoo lagu magacaabo Dr. Maxamed Xuseen, mana cadda sababta loo beegsaday.
War kasoo baxay Alshabaab ayey ku sheegatay dilka wiilka dhalinyarrada ah ee Feysal, waxayna sheegeen inuu ka tirsana saraakiisha ciidamada dowladda Federaalka, iyagoo sidaasi u beegsaday. Dadka yaqaan wiilkan ayaa xaqiijiyey inaysan waxba ka jirin sheegashada Alshabaab wiilkaasina uu aabihii la shaqeyn jiray.
Alshabaab ayaa sheegtay in raggii geystay dilka Marxuum Feysal Maxamed ay si nabadgelyo ah uga baxsadeen goobta. Alshabaab ayaa dad badan oo aan shaqo ku lahayn dowladda Soomaaliya khaarijin ku dilay iyadoo kadib sheegay inay ka tirsan yihiin ciidamada dowladda iyo kuwa NISA.
Ma jiro wax War ah oo kasoo baxay Hay’adaha Amniga iyo maamulka Gobolka Banaadir.
HOOS KA AKHRISO WARARKII UGU DANBEEYAY WEERARKA LAGU QAADYA HOTELKA ELITE EE MAGAALADA MUQDISHO
1- DEGDEG: Qarax ka dhacay Magaalada Muqdisho
2- FAAHFAAHIN: Hotel Caan ah oo la weerarray & dabley Alshabaab ah oo gudaha u gashay
3- Milkiilaha Hotelka Elite iyo Dad la badbaadiyey, Meydad laga soo saaray iyo wararkii ugu danbeeyay..
