Amiirka Alshabaab Sheekh Axmed Cumar Abuu Cubeyda ayaa farriin cusub soo duubay bisha Ramadaan sida ay baahisay qeybta Warbaahinta Xarakada ee Mu’asasada Al-kataa’ib.
Amiirka Alshabaab ayaafarriitii si weyn ugu weerarray dowladda Soomaaliya ee uu hoggaamiyo Madaxweyne Maxamed C/llaahi Farmaaj waxaana cinwaan looga dhigay “Waxaan u maleysaa inay mideysan yihiin, qalbiyadooduna waa kala jeedaan..” isgoo diirrada ku saaray xaaladda dalka iyo khilaafka siyaasadeed ee hareeyey dowladda Federaalka Soomaaliya.
“Waxaa noo muuqda in dhowr boqol oo daneystayaal ah, sheegtana inay sharci dajiyeyaal yihiin ay masiirka Umadeena u gacan gelinayaan shisheeye, waa gole sheydaan dhisay oo inay la diriraan ku dhaqanka sharciga Allaah… Waa gole dalka u gacan gelinaya cadowgeena soo jireenka ah ee Itoobiya iyo Kenya. Waa golaha doortay hogaamiye bilaash xeyte ah, kasxumo iyo garaad la’aana ku caanbaxay, Kampala accrod-na ku garaadsaday”. ayuu Amiirka Alshabaab ku yiri Farriintiisa oo markii ugu horeysay uu si toos ah ugu weerarro madaxweyne Farmaajo.
Wuxuu ka hadlay danaha dalalka Turkiga Iyo Imaaraadka ee Soomaaliya isagoo is weydiiyey waxa lagu kala doortay Jawaari iyo Mursal-ka Turkiga ee loo doortay Baarlamaanka?, Wuxuu kaloo is weydiiyay waxa lagu kala dooranayo Turkiga iyo Imaaraatka, oo uu sheegay in labadan dowladood ay dhibaatada ba’an ku haya dalkeena, kana hortaagan in Umaddan ay isku filnaansha gaarto.
Turkiga ayuu sheegay inuu qeyb ka yahay huwanta saliibiyada ah ee NATO, kuna takrifalo dhaqaalaha dalka, Isagoo yiri: “Wuxuu gacanta ku dhigay Dakada iyo Airport-ka, wuxuu dalka ka hirgeliyey saldhig military oo uu ku ilaalsanayo boobka dhaqaalaha dalkeena, waana saldhigga ugu weyn ee dalkiisa ka baxsan ee uu dunida ku leeyahay sida la ogyahay. Turkiga waa midka hadda Itoobiya ka taageeraya Mashruuca biya xireenka An-Nahda” .
Imaaraadka ayuu sidoo kale Amiirka Alshabaab ku eedeeyay inay duullaanka ku soo qaaday Soomaaliya ujeedkeeduna yahay sidii ay gacanta ugu dhigi lahayd Dekadaha ka baxsan Muqdisho, Talisyo ciidanna ugu yeelan lahaa badda Cas
