Wasiirka Amniga ee maamulka Galmudug Axmed Macalin Fiqi ayaa ku baaqay in siyaasiga C/raxmaan C/shakuur la tijaabiyo oo loo doorto Madaxweynaha Soomaliya.
Isagoo ka hadlayey munaasbad ka dhacday magaalada Dhuusamareeb oo lagu soo dhoweeyay siyaasiga ayuu Wasiirka Amniga Galmudug sheegay inuu C/raxmaan C/shakuur yahay nin ay dhufeys ku wada jireen saddexdii sano ee lasoo dhaafay, wax baddana uu tartan galay oo markan aan la dhaafin fursadda kursiga Madaxweynaha.
“Sanadkaan kursiga ilaa xad waa hubnaa inay Galmudug qaadaneyso.. C/raxmaan waa soo sabray dhowr jeer tartan waa ka qeyb galay … markaan in la tijaabiyo ayaan aaminsanahay aniga .. markaan Kursiga ha lagu fariisiyo.. Galmudug waa inay gar iyo gardarro ku taageerto..” ayuu yiri Axmed Macalin Fiqi
Wuxuu intaas ku daray in dhibaatooyin badan lasoo marsiiyey C/raxmaan C/shakuur sida in la dhaawacay, la dilay.., loo xiray, aadna loo rafaadiyay, isla markaana uu yahay nin dulqaad badan, dhabarkiisa wax badan ayuu xambaari karo, isaguna uu rajeynayo in Soomaaliyana uu xambaari karo.
