Bannaanbaxyo lagu taageerayo gabadha Soomaaliyeed ee ABYAN ee arrinteeda dalka Australia xiisada ka dhalisay loogana horjeedo in gabadhaasi kaga laga celiyay dalka Australia ayaa ka kala dhacay magaalooyinka Sydney iyo Melbourne ee dalkaasi.
Dadka badan ayaa socod ku soo maray wadooyinka waxayna ugu dambeyntii isugu yimaadeen Xarumaha Waaxda Socdaalka iyagoo ugu baaqay inaan laga aamusi doonin dib u celinta Gabadhii Soomaaliya kasoo jeeda ee ee Abyan.
Abyan ayaa waxaa lagu kufsaday Jaziirad ay dowladda Australia isugu gayso dadka qaxootiga ah ee Sharciga Sugaya, iyadoo sheegtay in niman u dhashay Jaziiradda Nauru ay kufsadeen. Bannaanbaxayaasha, ayaa waxay wateen boorar ay ku qoran yihiin “Hala soo celiyo Abyan, hala xiro xeryaha ka furan Jazeeradaha Nauru iyo Manus, ma noqon doono kuwo aamusan iyo ereyo kale.”
Hormuudkii bannaanbaxayaasha, ayaa waxay Ra’iisal Wasaaraha Australia, Malcolm Turnbull ugu baaqeen inuu isku xishoodo, isla-markaana uu ka shaqeeyo sidii gabadhaasi dib loogu soo celin lahaa Australia.
DAAWO SAWIRADA:
