Waxaa magaalada Muqdisho maanta ka socda diyaargarow loogu jiro xaflado loo sameynayo xuska sanadguurada saddexaad ee doorashada madaxweyne Xasan Sheekh Maxamuud oo maanta ku beegan markii xilka madaxweyne loo doortay 10-ka Septembar 2012.
Bannaabax ay ka qeyb galayaan dadweyne degmooyinka Muqdisho isaga yimid ayaa ka dhacaya magaalada iyadoo degmooyinka ay leeyihiin qabanqaabada isu soo baxa oo ka dhici doona taalada daljirka, waxaa sidoo kale caawa jirta xaflad weyn oo Madaxtooyada Villa Somalia ka dhaceysa taasoo ay ka qeyb galayaan labada gole iyo mas’uuliyiin kale.
Madaxweyne Xasan Sheekh ayaa waxaa maanta u buuxsameysa 3 sano oo xilka Madaxweyne uu hayay, waxaana dad badan ay rumeysan yihiin inuusan wax weyn ka qaban xaaladii uu dalka ku sugnaa, dad kale ayaa aaminsan inuu xaaladda uga sii daray. Lix tiir oo uu waxqabadkiisa saldhig uga dhigay ayaan u muuqan kuwo wax badan ka qabsomeen.
Xuska saddex guurada madaxweyne Xasan Sheekh ayaa ku soo beegmay iyadoo mooshin xil ka qaadis ah uu ka yaallo baarlamaanka inkastoo mooshinkaasi hadda u muuqdo mid jihadiisii laga weeciyay oo aan sii shaqeyn karin.
Wadani.com
[ad name=”HTML-1″]
