Dadka Bangladesh ayaa maanta isugu soo baxay dibaxbixii ugu weynaa ee looga horjeedo Madaxweynaha Faransiiska oo taageeray faafinta Sawir-gacmeedyo lagu aflagaadeynayo Rasuulka SCW.
Kumanaan kun ayaa isugu baxay maanta Dhaka ee dalka Bangladesh iyagoo gubay sawiradda madaxweynaha Faransiiska Emannuel Macron oo ay sheydaan ku tilmaameen, waxayna gaareen Safaarada Faransiiska, halkaasoo ciidamada ay ka hor istaageen. Bannaanbaxa ayaa waxaa soo abaabulay xisbiga Islaamiga gu weyn dalkaasi ee Islami Andolon Bangladesh (IAB).
Waxaa sidoo kale ay bannnaanbaxyada looga horjeedo Faransiiska iyo Madaxweynahooda ka dhaceen dalalka Pakistan, Iraq, Turkey iyo marinka Gaza, iyadoo dalalka qaadacay alaabta uu soo saaro Faransiiska ay ku biireen dalalka Iiraan, Jordan, Pakistan Kuwait iyo dalal kale.
Waxaa sii xoogeysanaya dadweynaha islaamka ee ka dhiidhiyey dagaalka uu Faransiiska ku hayo diinta islaamka Sawirrada aflagaadada ah ee ay faafinayaan.
