Beelaha Garjaxis ayaa diiday ergo ay ka noqdaan dagaalka magaalada Laascaanood iyo Baaqii Madaxweynaha Somaliland Muuse Biixi oo ay dusha u saartay mas’uuliyadda waxa ka dhacaya Gobolka Sool.
Go’aanka Beesha Garxajis ayaa u qornaa sida soo scota:
Beesha Garxjis Markii ay eegtay duruufta qallafsan ee dalku ku jiro iyo taariikhda Somaliland, markii ay deristay dastuurka dalka iyo heshiisyadii beelaha ee 1991, 1993 lyo 1997, markii ay aragtay dhacdooyinka faraha badan ee iska soo daba dhacayay shantii sanadood ee u danbaysay ee ahaa ku xadgudubka dastuurka iyo heshiisyada bulsho;
lyada oo og dilalkii, dhaawacii iyo xadhiggii sharci-darada ahaa ee ay xukuumaddu geysatay June iyo August 2022, kana dhacay Hargeysa, Burco iyo Ceergaabo.
lyada oo og in beesha Garxajis iyo Dhulbahante uu ka dhexeeyo deegaan aad u balaadhan iyo walaaltinimo, islamarkaana beesha Garxajis ay doonayso inay dhamaan beelaha kula noolaato nabad Markii ay ku qancaday gefafka ku-talo galka ah ay ka gaysatay xukuumaddu magaalada Laascaanood, Waxa ay soo saartay go’aankan
1. Waxa ay si xoog leh u canbaaraynaysaa dagaalka ka socda Laascaanood iyo dilka shacabka aan hubaysnayn;
2. Waxa leh masuuliyadda waxa ka dhacay Laascaanood xukuumadda Muuse Biixi Cabdi.
3. Beesha Garxajis waxa ay go’aansatay in aan ay ka qaybgelin kana mid ahayn ergada uu sheegay Muuse Biixi inuu u dirayo Laascaanood sababta oo ah ma qaadi karno kalsoonida inuu aqbalayo go’aamada ay ergadu gaadho annaga oo ku xisaabtamayna dhaqankii hore looga bartay; iyo in magaalada Laascaanood ay ka socoto xabad co aanu jirin jawi nabadeed oo lagu wada hadli karo.
4. Waxa aannu tacsi u diraynaa dadkii ku dhintay Laascaanood ehelkooda iyo qaraabadooda.
5. Go’aankani waa mawqifka rasmiga ah ee beesha Garxajis mana jirto cid kale oo ku hadli karta magaca iyo afka reerka ama kaga qaybgeli karta shir magaca iyo afka reerka.
Talo soo jeedin Beeshu waxa ay soo jeedinaysa oo ay xal u aragtaa:
1. In si run ah loo joojiyo xabadda;
2. In ciidamada la kala fogeeyo oo la geeyo meel aan xabaddu iska gaadhi karin si xabad joojintu u hirgasho.
3. In la joojiyo hadalada xanafta leh ee wax kala fogayn kara.
4. Xukuumaddu waa inay ciidankeeda gayso meel aan xabaddu iska soo gaadhi karin islamarkaana waa inay si dhab ah u xakamayso ciidankeeda si xabad joojintu u hirgasho.
5. Garaadada, gudida, culimada iyo waxgaradka beesha Dhulbahante waxa aannu ugu baaqaynaa inay qayb ka qaataan fullinta xabad joojinta iyaga oo ka qaadanaya doorka kaga beegan ee ah xakamaynta ciidanka. 6. In aan wax caqabad ah lagu samayn kaalmada banii’aadantinimo ee la gaadhsiinayo shacabka ku baro-kacay dagaalka sokeeyo iyo dadka dhaawcu soo gaaray.
