Odayaasha, Culimaa’udiinka, iyo dhallin yarada Beesha Reer Aw-Qudub
oo shir balaran ku yeeshay magaalada Muqdisho aya si adag uga hor yimid qorshaha Cbdirhamaan Kulmiye oo loo yaqaanno Abdirahmaan Dheere, Faarax Cabdiqaadir iyo Xasan Sheikh iska kaashadeen oo beesha Aw-Qudub Suldaankoodii soo jireenka ahaa looga tiray liiska suldaamada soo xuli doona ergada dooranaysa Xildhibaannada Barlamaanka cusub.
Dhamaan odayaasha beesha waxay wacad ku mareen in Cabdirahman Dheere uusan dib dambe ugu soo noqonin baarlamaanka cusub oo ay soo dooran doonaan xildhibaan kale oo ku matala beesha golaha baarlamaanka cusub.
Beesha Reer Aw-Qudub oo isku duuban waxay dacwad ka dhan ah Abdirahman Dheere u direen Dhamaan madaxda Dowladda Federaalka, madaxda Dowlad-Goboleedyada, IGAD, UN iyo Beesha Caalamka ayaga oo ka codsaday in Suldaankooda Suldaan Cabdi Caafi Suldaan Cabdullahi Suldaan Mohamed Khaliif lagu daro liiska suldaamada soo xuleysa ergada dooran doonta xildhibaanada barlamaanka cusub.
Waxay codsi kaas la mid ah u direen dhammaan shacabka Somaliyeed iyo qurbajoogta ka soo jeeda beesha in ay gacan ka geystaan sidii dulmigaan Abdirahman Dheere iyo Dam-Jadiid looga adkaan lahaa iyo sidii beesha Reer Aw-Qudub ku heli lahayd xaqooda.
Wadani.com
