Madaxweynaha Koonfur Galbeed ayaa eedeyn ba’an u jeediyey Guddoomiyaha Guddiga Doorashada ee FEIT, isagoo sheegay inuu lumiyey waajibaadkii loo igmaday iyo madax bannaanidii.
Qoraal uu soo saaray lafta-gareen oo ay faafisay Madaxtooyada K/Galbeed ayaa lagu sheegay in Dowlad Goboleedka Koonfur Galbeed Soomaaliya ay aad uga xun tahay hab-dhaqanka Guddiga FEIT, musuqa baahsan ee ka dhex socda iyo kala qeybsanaanta ku timid xubnaha Guddiga.
“Dowlad Goboleedka Koonfur Galbeed wuxuu u arkaa tallaabada uu qaaday Mudane Muuse Geelle Yuusuf ee uu ku bartilmaameedsaday kuraas deegaanno gaar ah laga soo doortay inay tahay mid sharci darro ah oo khilaafsan heshiisyadii iyo habraacyadii doorashooyinka” ayu qoraalkiisa ku yiri Madaxweynaha K/Galbeed.
Waxa kaloo qoraalka lagu uheegay in Guddiga uu lumiyay waajibaadkii loo igmaday iyo madaxbannaanidii laga sugayay. “Hoggaanka SEIT oo kaashanaya xubnaha Guddiga Hirgelinta Heer Federaal ee ka hawl galayay Koonfur Galbeed waxay si toos ah ugu wareejinayaan faylasha xildhibaannada Xoghayeyaasha Labada Aqal ee Barlamaanka JFS”.
C/casiis Lafta-gareen ayaa sheegay in Koonfur Galbeed ay xoojinaysoin la dadajiyo dhaarinta iyo guda galka doorashooyinka, balse ka digeyso tallaabooyinka lagu dheereysanayo muddo xileedka kaasoo ay ka shaqeynayaan qaar kamid ah xafiisyadii loo igmaday inay hawshan si hufan usoo gabagabeeyaan.
