C/kariin Sheekh Muuse (Qalbi Dhagax) oo ka mida saraakiisha Jabhadda ONLF oo muddooyinkan ku sugnaa magaalada Hargeysa ayaa sheegay inuu tegi doono degaanada Puntland iyo Galmudug, balse wuxuu caddeeyay inuusan tegeynin magaalada caasimadda ah ee Muqdisho.
Qalbi Dhagax ayaa ka sheegay magaalada Hargeysa inuui safar dhulka ah ku tegi doono Magaalooyinka degaanada Puntland iyo Galmudug oo ah halkii laga soo xiray markii loo gacan geliyey dowladda Itoobiya sanadkii horem isagoo sheegay inay joogaan dadkii ka danbeeyay dhibaatadii loo geystay.
“Boosaaso ayaan tegayaa kadib safar dhanka dhulka ah, safarkeyga Puntland ku xiga Galmudug ayuu noqonayaa Cadaado illaa Dhuusamareeb, ma cadeyn karo Muqdisho inaan toos u tegaayo, Muqdisho waxaa jooga dad Somali ah oo aad iyo aad u fiican oo karaamo badan iyo golihii Baarlamaanka oo sharaf badan aan u haayo oo qadiyadeydii aad u difaacay, intaba waa ay mudan yihiin inaan soo salaamo, laakiin ma doonaayo qoladaa kale ee Xamar joogta in aan is aragno.” Ayuu yiri Qali Dhagax.
Mar uu ka hadlay eedeyn loo jeediyo oo ah inuu gubay Gawaari ay lahaayeen dad reer Somaliland ah xilligii uu ku jiray jabhadda ONLF ayuu arrintaasi ku tilmaamay mid been abuur ah.
