Siyaasi iyo Musharax hore C/raxmaan C/shakuur Warsame ayaa lumiyey kursigii xildhibaan ee Baarlamaanka Federaalka Soomaaliya.
Arrintan ayaa timid, kadib markii uu maanta aqbalay xilka uu u magacaabay madaxweyne Xasan Sheekh, kaasoo ah Ergeyga Gaarka ah ee u qaabilsan arrimaha Gurmadka Abaaraha Soomaaliya, sida ku cad Dastuurka KMG ah ee dalku leeyahay.
Sida ku qoran Qodobka 59-aad ee Dastuurka KMG Xubinimada Baarlamaanka Federalka waxaa lagu lumin karaa haddii Xildhibaanku aqbalo xil dowladeed oo aan wasiir aheyn.
Ma cadda in C/raxmaan C/shakuur iyo madaxweynaha xilka u magacaabay ay koos baxday arrintan iyo in xilkan uu yahay mid bilow ah oo xilal kale loo ballanqaaday, laakiin sharci ahaan waxaa muuqata inuu C/raxmaan C/shakuur uu lumiyey xilkii Xildhibaannimo dadaalka badan uu geliyey inuu ka mid noqdo Baarklamaanka 11-aad.
