Ra’iisul Wasaraaha dalka Romania Victor Ponta ayaa iska casilay xilka kadib markii dab ka kacay Baar habeenkii lagu caweeyo uu sababay dhimashada 32 qof, kadibna dad isu soo baxay dalkaasi ay dowladda ku cambaareeyeen falkaasi.
Kumanaan dibad-baxayaal ah ayaa isugu soo baxay wadooyinka bartamaha magaalada caasimadda ah ee Bucharest iyagoo tuhunsan in xubno ka mid ah dowladda ay laaluush qaateen kadibna ay waraaqaha ruqsadda shaqo siiiyeen Baarar lagu caweeyo oo aan xaaladooda aanay fiicneyn isla markaana aan lahayn qalabka ammaanka.
Dabkan oo ka dhacay habeenkii jimcaha Baarka loo yaqaan Colectiv ayaa waxaa ku dhintay 32 qof, ayada oo 200 oo kale ay ku dhaawacmeen kadib markii 400 qof oo dabka ka baxsanayay ay is-jiireen.
Dadweye sita boorar lagu qoray “Musuqmaasuqa waa dilaa” ayaa dibadbax ka dhigay caasimadda waxayna is-casilaadda Ra’iisal wasaare Ponta. Dacwad oogayaasha Romania ayaa amar ku bixiyey in su’aalo la weydiiyo saddexda nin ee lahaa baarka.
Ra’iisal wasaaraha Romania Victor Ponta ayaa beeniyay in wax musuqmaasuq ah ay xukuumadiisa ku kacday, laakiin dadweynaha banaanbaxa wada oo sii kordhaya ayaa ku cadaadisay inuu xilka u banneeyo arrinta dabka ka kacay baarka awgeed.
Xaalad ah in xukuumad dhan isu casisho shilalka noocan oo kale ah ayaa cashar u ah dowladaha ay Soomaaliya ka mid tahay oo markii dhibaatooyin waaweyn iyo fashil ku yimaado xaalada ka dhiga mid iska caadi ah ama dhibaato hor leh dadka ku soo roga.
Wadani.com
