Ciidamadii taabcsanaa Barre Aadan Shire (Barre Hiiraale) ayaa maanta lagu wareejiyay ciidamada AMISOM ee ku sugan magaalada Kismaayo, kadib markii Alshabaab qorsheysay inay ciidamadaasi weeraro lana wareegto.
In ka badan 50 askari oo kamida ku sugnaa duleedka magaalada Kismaayo ee Goobweyn oo hore uga mid ahaa ciidamadaii taabacsanaa Korneyl Barre Aadan Shire (Barre Hiiraale) oo dagaalka looga saaray magaalada Kismaayo, ayaa waxaa maanta loo gacan geliyay Ciidamada Midowga Afrika ee ku sugan Magaalada Kismaayo.
Suxufiyiinta goobta ku sugnaa ayaa soo sheegay in ciidamada Itoobiya ay markii dambe ku guuleysteen in lagu wareejiyo askarta laga soo xareeyay Goobwayn, iyadoo askartaasi ay diideen ciidamada Kenya oo ay ku eedeeyeen inay qeyb ka ahaayeen dagaalkii looga soo saaray magaalada Kismaayo.
Wadani.com
