Waxaa Garoonka Diyaaradaha Aden Cadde ee magaalada Muqdisho ka baxay Goo dhow Diyaarado sida ciidamadii ugu badnaa oo si weyn u hubeysan iyo Gaadiid dagaal.
Ciidamadan oo Milateriga Soomaaliya ka mida, balse hadda la sheegay inay kasoo jeedaan Beesha Murusade ayaa ka howlgeli doonaan Gobolka Hiiraan, gaar ahaan Maxaas, iyagoo kadibna u gudbi doona degaanada Gobolka Galgaduud.
Ciidamadaan oo hordhac ah iyo qaar kale oo Berri lagu wado inay baxaan ayaa waxaa hoggaaminaya Xildhibaan Jacfar iyo Gaashaanle Ismaaciil Cabdimaalik, iyadoo qeyb ka ah abaabulka dagaal ee lagu qaadayo Alshabaab.
Abaabulka Ciidamada qaabka beeleed loo diyaariyay ayaa ka socda Gobollada Banaadir, Sh/Dhexe iyo Galgaduud, waxaana qeybihii ugu horeeyay ay saldhig ka dhigteen degmada Cadalle, iyadoo weli aanay bilaaban howlgalladii dagaalka.
