Wararka laga helayo Gobolka Hiiraan ayaa sheegaya in weriye ka howlgala gobolkaasi ay ciidamo kala baxeen gurigiisa.
Ciidamada ku sugan degmada Buulaburde ayaa xalay gurigiisa ku weeraray, kadibna ka kaxeysay wariyeya ka howgala magaaladaasi oo u shaqeeya idaacadda Hiiraanweyn ee magaalada Beledweyne iyo gobolka Hiiraan.
Lama sheegin sababta ka dambeysa weerarka lagu qaaday iyo sababta loo xitay weriyaha oo lagu magacaabo Amiin C/asiis Sheekh Cali, waxaana la sheegay in aan la ogeyn meel ay ciidamadaasi u kaxeysteen.
Agaasimaha Idaacadda Hiiraanweyn Maxamed Cusmaan Makaraan ayaa sheegay inaysan wax war ah ka heynin xaaladda wariyaha ay qafaasheen Ciidanka ammaanka.
Wadani.com
