Ciidamo kala taabacsan Guddoomiyaha Degmada Deyniile iyo ciidamo mialtrei ah oo fadhigoodu yahay Gobolka Sh/hoose ayaa saaka dagaal culus dhex maray, kaasoo dhaliyey qasaare isugu jira dhimasho iyo dhaawac.
Dagaalka oo la sheegay inuu salka ku hayo dhulka oo ay isku hayaan labada dhinac ayaa waxaa ku dhintay 3 askari, halka ay ku dhaawacmeen 4 kale, sida ay sheegeen dadka goobjoogeyaal ah.
Guddoomiyaha Deyniile iyo ciidamo uu wato ayaa la sheegay inay ka hortageen howal guryo dumis ah oo ka socday xuduudka Deyniile iyo Afgooye, waxaana howlgalka aday ciidamada dowladda oo amar ka heystay maxkamadda Sh/hoose ee maamulka K/Galbeed, taasoo keenay inay isku dhacaan labada dhinac, dagaalkuna ka dhex qarxo; iyadoo la isu adeegsaday hubka culus iyo midka fudud.
Dagaalka ayaa markii dambe iskiis u istaagay iyadoo ay taagan tahay, Waxaana goobta gaaray Gddoomiyaha Gobolka Banaadir oo sheegay inay sharciga la tiigsan doonaan cid kasta oo ka danbeysay shaqaaqadii dhacday.
Guddoomiyaha Dayniile Maxamed Abukar Jacfar ayaa ku eedeeya ciidamo ka tirsan dowlada iyo koox ganacsato ah inay dhul boob ka wadaan degaan ka mida degmada Deyniile ayna ka hortegi doonaan awood kasta oo ay leeyihiin, isagoo inay maanta tallaabo ka qaadeen qoladaasi.
