Shirkadda Facebook ayaa shaacisay in ciladii qabsatay la xaliyey gebi ahaan, kadib markii ay ku qaadatay muddo 11 saacadood ah dunida oo dhan.
Ciladan oo bilaabatay Galabnimadii Xilliga London ayaa socotay ilaa saqdii dhexe kadib ayaa sabab looga dhigay nidaamkeeda gudaha ee dib u habeynta oo cilad ku timid, kadibna saameyn ku yeshay severka ay ku wadaj iraan saddexda shirkadood ee ugu waaweyn baraha bulshada Facebook, Instagram iyo Whatsapp.
Arrintan oo Facebook ay warar kala duwan kasoo saartay ayaan xal loo helin iyadoo dunida oo dhan ay saameysay inaysan adeegyadaasi si fiican u shaqeyneynin, dadkuna aysan awoodin inay sawirro ama video geliyan barahooda.
Shirkadda Facebook ayaa isak leh shirkadaha Instagram iyo Whatsapp, waxayna isugu geysan nidaam qura oo ay ku shaqeeyaan, taasoo keentay in ciladdii dhacda ay saameyn ku wada yeelato. Maarso 2019 ayey ahayd markii Facebook ay soo wajahday ciladii ugu weyneyd abid, taasoo ka dhalatay dhibaato ka timid culeys ka dhashay baaxadda keydka.
Dadweynaha ayaa adeegsaday Twitter-ka si ay uga doodan cilada ku timid saddexda shirkadooda ee Facebook, Instagram iyo Whatsapp, waxaana si weyn loo dhaliilay adeegga shirkadahaasi ee Facebook ku xiran.
