Ra’iisal wasaaraha xukuumada Federaalka Soomaaliya Cumar C/rashiid Cali ayaa lagu wadaa inuu safarkiisii ugu dheeraa ku aado dalal dhowr ah, iyadoo uu ka mid yahay madaxda sare ee dowladda oo uu safarrada badan marka laga reebo madaxweyne Xasan Sheekh.
Ra’iisal wasaaraha ayaa wararku sheegayaan inuu socdaalkiisu ku tegi doono dalal dhowr ah oo ay ka mid yihiin: Kenya, Imaaraadka Carabta iyo Mareykanka, dalalkaas oo uu arrimo kala duwan u tegi doono, waxaana lagu wadaa inuu socdaalkiisu qaato muddo saddex toddobaad ah.
Waxaa socdaalka ku wehlin doona xubno ka mida golaha wasiirada iyo xafiiskiisa, wuxuuna safarkani dheer ku soo beegmayaa iyadoo uu dalka ka maqan yahay ku xigeenka Ra’iisal wasaaraha Maxamed Cumar Carte oo safarkiisii koowaad dalka uga maqan, lana filayo inuu dalka ku soo laabto.
Xukuumadda Federaalka ayaa ku dhex jirta dhaqaalo darri baaxad weyn oo keentay in wasaaradaha kala duwan iyo shaqaalahooda aysan dhaqdhaqaaq ka jirin mushaar la’aan iyo kharashyadii xafiisyada oo la waayay muddo ka badan 5 bilood.
Madaxweynaha, Ra’iisal wasaaraha iyo guddoonka Baarlamaanka oo ay wehliyaan wasiirada ayaa howshooda ugu muhiimsan ay hadda noqotay safarro, waxaana dhacda in mararka qaarkood ay in ku dhow 10 wasiir dalka ka maqnaadaan. Kharashka ugu badan ee dowladda guud ahaan wuxuu ku baxaa sahay safar oo inteeda badan deyn lagu qaato.
Goobjooge.com
[ad name=”HTML-1″]
[ad name=”HTML-6″]
