Waxaa goor dhow soo idlaaday natiijada laba kursi oo ka tirsan Aqalka hoose oo lagu doortay magaalada Cadaado.
Labadan kursi ayaan haba yaraatee wax tartan ah ka dhicin, taasoo ay ugu wacan tahay in musharixiinta doonayay inay soo baxaan ay keensadeen qofkii la tartami lahaa iyo ergadaba.
Kursiga hore wuxuu ahaa kursiga Habar Adinle/Murusade. Waxaa cod gacantaag ah ku qaaday Xuseen Qaasim Yuusuf, oo gacanta loo taagay helayna 51 cod, kadib markii uu tanaasulay musharaxai Shire macalin Gaab.
Kursiga labaad wuxuu ahaa Kursiga koowaad ee Habar ceeno/Murusade oo isna gacantaag 47 cod ah lagu siiyay Mustaf Sheekh Cali Dhuxuloow, markii sidii loo qorsheeyay uu Axmed Mukhtaar maxamuud oo uu keensatay Mustaf Dhuxulow.
Doorashada noocan oo kale ah ayaa aad ugu badan sanadkan 2016 oo musharixiin badan ay awood u heleen inay iyaga soo qortaan ergada iyo dadka la tartamaya, kana bixiyaan kharashka, taasoo keentay in wax tartan ah aanu meesha ka dhicin ee riwaayad isu bedesho arrinta oo dhan.
Qorshahan ayaa dadka qaarkii ugu magac dareen MUSHARAX IYO MALXIISKIISA, maadaama qofka musharaxa weyn uu wato ee la tartamaya uu yahay qof magac u yaal ah oo booska lagu buuxsado.
Wadani.com
