Macdan qaali ah oo ay ka mid yihiin Dahab iyo Qalib ayaa ku soo daadatay Garoon diyaaradeed oo ku yaalla bariga fog ee dalka Ruushka, arrintaas ayaana lala fajacay.
Arrintan ayaa dhacday ka dib markii uu jabay albaabka diyaarad ay saarnaayeen Dahab iyo Qalin fara badan oo ka duulaysay garoonka diyaaradaha ee Yakutsk iyada oo ku sii jeeday Siberia.
Ilaa 200 cad oo midkiiba 20kg yahay ayaana ku daatay wadda ay diyaaraduhu ka duulaan. Dhammaan dahabkii iyo qalinkii waa la helay sida uu wakaaladda wararka ee Interfax u sheegay nin Kanada u dhashay oo macdanta lahaa.
Qiimaha Dahabka iyo Qalibka diyaradda ka daatay ayaa lagu qiyaasay lacag dhab 265 Milyan oo Doolar, iyadoo si weyn loo hadal hayo dhacdadan qabsatay diyaaradda Nimbus Airlines AN-12 oo ah nooca xamuulka, kana dhacday Gobolka ugu qabow Ruushka.
Diyaaradda Xamuulka waxaa lahayd Shirakdda Chukota Mining and Geological company. oo saamiyadeeda intooda badan 75% ay leedahay shirkadda Canada laga leeyahay eeKinross Gold.
HOOS KA DAAWO SAWIRRADA
