Kooxda Alshabaab ayaa sheegatay inay iyadu ka dambeyso oo ay qaaday weerar ka socda magaalada Nairobi ee dalka Kenya.
Kooxda Alshabaab ayaa shaacisay inay leedahay mas’uuliyadda weerarka ka socda ee magaalada Nairobi hotelka Dusit Hotel ee degaanka Westland. Afhayeen u hadlay Alshabaab ayaa sheegay inay howlgal ka wadaan magaalada Nairobi.
Weerarka Nairobi ayaa socda muddo 2 saacadood ku dhow iyadoo la xaqiijiyey inay tiro dad ah ku dhinteen, dhaawacuna badan yahay, waxaana rasaas goosgoos ah is weydaarsanaya dableyda iyo ciidamada Kenya, iyadoo la xiray wadooyinka soo galaya Hotelka Dusit iyo dhismooyinka ku xeeran.
