Wararka laga helayo magaalada Muqdisho ayaa sheegaya in diyaarad lacag fara badan u siday safaaradda Imaaraadka Carabta ee magaalada Muqdisho lagu qabtay Garoonka diyaaradaha Magaalada Muqdisho.
Ciidamada Amniga oo ka shakiyey xamuulka diyaaradda ayaa ogaaday inay siday shixnad lacag ah, waxaana la xayiray diyaarad gaar ah oo lacagtaasi ku rarneyd, iyadoo ay halkaasi gaareen mas’uuliyiin ka tirsan xukuumadda iyo saraakiisha amniga.
Wararka ayaa sheegaya in Saraakiil ka tirsanĀ safaaradda Imaaraadka ay sheegeen in lacagta loogu talogalay ciidamada ay mushaarka siiyaan Imaaraadka oo qaarkood ku sugan yihiin Degaanada Puntland, iyadoo mushaarkii ay siin jireen ciidamada Muqdisho ku sugan ay hakiyeen in muddo ah.
Waxaa laga cabsi qabaa in lacagtan loogu talo galay in siyaasad ahaan loo adeegsado oo Imaaraadku ku dhex galaan mooshinka laga keenay guddoomiyaha Baarlmaanka, iyo arrimo kale oo lid ku ah dowladda madaxweyne Farmaajo iyo Ra’iisal wasaare Kheyre.
