Wararka laga helayo Gobolka Bakool ayaa sheegaya in maleeshiyo taabacsan Wadaadka Sheekh Mukhtaar Roobow Cali (Abuu Mansuur) ay qarka u saaran yihiin dagaal ay la galaam kooxda Alshabaab.
Ciidamo fara badan oo Alshabaab ah ayaa la sheegay inay isugu tageen duleedka degmada Xudur ee Gobolka Bakool, halkaas oo Sheekh Roobow ku sugan yahay, waxaana laga cabsi qabaa dagaal labada dhinac ka dhex qarxa.
Maleeshiyada taabacsan Sheekh Mukhtaar Roobow ayaa dhufeyso ka dhigtay Buuraha degaanka Abaal oo 18 KM u jira magaalada Xudur, si ay isaga difaacaan weerarka ku soo fool leh ee Alshabaab.
Dadka degaanka ayaa soo weriyay in boqolaal Alshabaab ay ah isku urursanayaan meel u dhow xerada kooxda Sheekh Roobow, iyadoo saacad waliba dagaalki qarxi karo, waxayna arrintan soo baxday markii Mareykanka uu liiska argagixisada ka saaray Sheekh Roobow.
Ciidamada dowladda iyo kuwa AMISOM ayaa ku sugan degmada Xudur, oo halka la isku hor fadhiyo u jirta 18 KM mana cadda inay dagaalka qeyb ka noqon doonaan oo ay la safan doonaan kooxda yar ee Sheekh Mukhtaar Roobow iyo in kale.
Wadani
