Maamulka Puntland ayaa markii ugu horeysay War kasoo saaray dagaalka culus ee ka socda magaalada Boosaaso.
Wasiirka Amniga Puntland Cabdisamad Gallan oo saxaafadda la hadlay ayaa ku dhawaaqay in maamulkooda uu diyaar u yahay xabbad-joojin iyo in wada-hadal la galo. Wuxuu ku eedeyay dagaalka Jen. Maxamuud Diyaano, markii ay weerarreen ciidamo howlgal ku jiray, magaaladiina ay duqeeyeen.
“Ninkaa dhalinyarrada ah ee khaldamay in loo caqli celiyo muddo bil ah ayaan ka dhursugeynay.. Wax natiijo ah ka imaan.. Shalay dagaal ayey bilaabeen, waxayna hoobiyeyaal ku garaaceen magaaladii, mar kalena ay saaka dagaalka bilaabeen, ciidanka waxaanu siinay amar ah inaysan xabad ku ridi karin mid ay isku difaacayaan maahe” ayuu yiri wasiirka Amniga Puntland.
Wuxuu sheegay inay lasoo xiriireen odayaal iyo Isimo nabad wada, balse nimanka qowleysatada ah sida uu yiri ay la hadlaan inay xabadda joojiyaan. “Wax Alla wixii wanaag an h oo xabadda lagu joojinayo oo aan sharciga iyo dowdnimada ka hor imaaneynin diyaar ayaan u nahay” ayuu yiri C/samad Gallan.
Arrintan ayaa ka danbeysay dadaal ay wadeen Isimada degaanada Puntland, kadib markii dagaalku uu noqday mid dheeraada oo qasaare badan dhaliyey.
Ciidamada Puntland ayaa ku fashilmay inay soo afjaraan dagaalka ay la galeen ciidamda PSF ee uu hoggaamiyo Jen. Maxamuud C/llaahi Diyaano oo diiday xil ka qaadis uu ku sameeyay Madaxweynaha Puntland.
