War hadda soo dhacay ayaa sheegaya inuu qarax ka dhacay iridka hore ee xerada Milateriga Turkiga ee magaalada Muqdisho.
Qaraxa ayaa wararkii ugu horeeyay ee kasoo baxay ay sheegeen inuu geystay qof is-miidaamiye ahaa oo isku soo xiray waxyaabaha qarxa, kaasoo iska dhigay ciidamada halkaasi ku jira, wuxuuna doonayey inuu isku qarxiyo ciidamo xerada geli lahaa oo saf ku jiray.
Ciidamada ayaa la sheegay inay toogteen ruuxan is-miidaamiyaha ahaa xilli uu doonayey inuu dhex galo ciidamo u badan leyli saraakiil ah oo tababar uga socdo xerda Turksom, waxaana soo baxaya qasaaraha ka dhashay qaraxa.
Hal qof ayaa ku dhintay qaraxa, waxaana dhaawacyo kasoo gaareen dhowr qof oo kale, iyadoo waxyeellada ay yareysay markii Suunku u qaraxi waayey is-miidaamiyaha markii hore.
LA SOCO FAAFHAAHINTA…
