Qaraxyo waaweyn ayaa goor dhoweyd laga maqlay magaalada Muqdisho, iyadoo laga maqlay guud ahaan magaalada Muqdisho.
Qaraxa ayaa midkooda ka dhacay agagaarka Garoonka diyaaradaha Magaalada Muqdisho, waxaana la arkayaa qiiq madow iyo uuro hareysay agagaarka garoonka.
Qarax kale ayaa wax yar kadib iska ruxay magaalada iyadoo xaalada aanay weli kala caddeyn. Wararka hordhaca ah ayaa sheegaya in qaraxa koowaad uu ka dhacay dhinaca laga soo galo garoonka ee Medina Gate.
Qaraxyada kadib ayaa la maqlay rasaas la is weydaarsaday lama oga inay tahay weerar lagu doonayo in lagu galo garoonka iyo askarta ilaalada.
Xaaladda ayaa hadda degan, kadib qaraxyadii mattaanaha ahaa ee ka dhacay laba goobood laga ilaaliyo garoonka diyaaradaha Muqdisho ee xigta degmada Mediina oo lagu magacaabo Medina Gate.
Qaraxyada ayaa la sheegay in loola dan lahaa xarunta Peace Village oo kasoo horjeeda garoonka diyaaradaha Muqdisho oo ah goobta ay degan yihiin saraakiisha UNSOM iyo wakiilka UN-ka u jooga Soomaaliya Micheal Keating.
Xaruntaasi oo burbur xoog leh gaaray ayaa warar hordhaca ay sheegayaan in lagu dilay 12 askari oo 9 kamida ay yihiin ciidamada UN-ka ee Muqdisho ku sugan, 3 askari oo ka tirsan ciidamada AMISOM.
Wadani.com
